رسالة الى ابوبكر الصغير

السلام عليكم
ايها الصغير
لقد سئمنا لغتكم الخشبية تكذبون الحقائق وتدافعون عن الباطل
اين نزاهتكم كاعلاميين؟؟ الشباب التونسي فهم اللعبة فلماذا مازلتم تحاولون الضحك على ذقوننا؟؟
نحن لاننكر ماحققته تونس في فترة بن علي من نمو اقتصادي لكننا لاننكر ايضا سياسة تكميم الافواه
المحسوبية والرشوة
الفساد الاخلاقي والمالي اصبح متجذرا في البلاد
لماذا لاتتحدثون عن هذه المشاكل ام ان  وظيفتكم هي بنفسجة الوضع في تونس
سحقا لكم كم انتم منافقون
 .https://www.facebook.com/video/video.php?v=1632526425336&oid=123129721083974&comments

صراع الاخلاق واللااخلاق

السلام عليكم
الايامات اللي فاتو رينا برشة حكايات عل الفايسبوك وزيد هالحكايات ولات متداولة في الشارع التونسي
الحاصل رينا قضية الاذان قبلها موضوع البكارة وتوا حكاية بسيكو ام وسوسن معالج
برشة ناس تحكي انو فما صراع بين تيار اسلامي وتيار علماني في تونس ورينا لكلام هذا في الكونفيرونس اللي صارت بين بسيكو ام وسوسن معالج
انا حقيقة مانيش نرى في تيار اسلامي
شخصيا نعتبرو صراع بين الاخلاقيين واللا خلاقيين
بما انو حتى الزبراطة واقفين في صف الاخلاقيين
تحية الى زبراطة تونس اللي يدعمو في الاخلاق الحميدة هههههه
القضية هي قضية حرية تعبير
اشباه المثقفين مدعومين اعلاميا ويحبو افكارهم توصل لكن والحمد الله الشباب التونسي واعي ورافض لهذه الافكار التي تدعو لهدم الاخلاق وكي لقاو رفض وهجوم عليهم ولاو ينسبو في كل واحد يجي ضدهم بالرجعية والظلامية وزادوها سلفية ووهابية
انا نقوللهم اللي احنا فايقيين وفاهمين اللعبة لسنا بحاجة لفكركم الاعمى
.والسلام

البلدية في خدمة المواطن؟؟

سؤال يطرح نفسه هل البلدية في خدمة المواطن ام في خدمة رؤوساء البلديات واعوانها؟؟

انا بصراحة نقلكم كل رئيس بلدية يجي يعبي ويمشي

اعوان التراتيب تقول كلاب مسيبة تفركس على شكون بنى من غير رخصة بش تجي تاخو اكا التفتوفة وطفي الضو 

البناء الفوضوي على حساب ستة

الكياسات محفرة والا ماهيش مزفتة

والله خنار كبير في البلدية 

الحاصل لازمكم تكونو فايقين ومتسكستوش على حقكم

 

هاو عينة من الجراثيم اللي نحكي عليها

http://www.facebook.com/video/video.php?v=1339847155446&oid=144726932244439&comments&ref=mf

يوم 25 نوفمبر يوم الميني جيب

انا نحب  نعرف شنوه يحب يوصل من خلال هذا الحدث العظيم
بش نشوفو السيقان الجميلة لفتيات تونس الجميلات
هانا كل يوم نشوفو في انواع واشكال 
من سيقان نجوى فؤاد لسيقان روبرتو كارلوس
الحاصل غدوه موعدكم مع الحرية
بما انو نساء تونس مضطهدات حتى حق التعري محرومين منو

انا نقترح على صاحب هالمشروع" العقيم " عفوا العظيم انو يزيد يبهرنا نهار اخر 
ويقول لكلنا بيلبيكيني
اما يشوفلنا نهار سخون بش تنجح الفكره





Toutes en jupe ! (Tunisie)http://www.facebook.com/event.php?eid=165591800138373&ref=mf

ايا قلنا السلام عليكم

ياجماعة قلبي تعبا ملعوج متاع لعباد

بالله فهموني توا واحد يبندر ويقفف للرئيس وسياستو سوى كانت صحيحة والا غالطة 

 هذي فهمتها الراجل يحب يضمن مستقبلو ويعيش كلكلب يستنى لقمة من عند اسيادو

اما يجي يقفف لمحمود عباس ويتهم حماس بالظلامية والتطرف

وانو سي عباس امل الفلسطنيين وخيارهم الاوحد هذي مافهمتهاش 

والله منذ الصباح وانا نغلي السيد هذا عمل العار بافكارو الغبية 

هذا مريض نفسي ننصحو يجيني نعطيه زريقة تو يبرى

الحاصل قلبي تعبى وهاو رابط بش تراو معانتي

http://www.facebook.com/photo.php?fbid=462351779486&set=a.462323859486.251101.166957094486&pid=5195466&id=166957094486

بسم الله والصلاة والسلام على رسول الله
ياجماعة قلنا السلام عليكم
بعد حملة المناشدة اللي قامو بها بعض الاخوة على الفايسبوك بش نحلوا بلوغ
قلت عيب عليا لازم ناخولهم بخاطرهم
هاني حليت بلوغ و
قلت نسميه زريقة لما فيها من عدة منافع منها الوقائيةومنها اللي تقضي على الجراثيم
لا علينا انا مانيش طبيب اما نموت عالتزريق
الحاصل مرحبا بيكم واللي عندو زريقة يحب يزرقها لاي شخص مرحبا بيه زاده.