احمد ونيس هل هو في حوار صحفي ام محاضرة فلسفية

السلام عليكم
كيما قلنا شعارنا اللي يستحق الاحترام نشكروه واللي يحب السطاكة ياكل على راسو
للاسف اليوم فما شكون بش ياكل السطاكة اللي هو معالي وزير الخارجية للحكومة الانتقالية وجاب ربي انتقالية
سي ونيس بعد تصريحاتو الهزيلة واللي كانت مهزلة باتم معنى الكلمة للصحف الاجنبية
يجينا اليوم بش يزيد يبهرنا بنرجسيتو الظاهرة والباينة بالكاشف بعد ماشكر نفسو قلك احنا اطلقنا الحريات
ياسيدي يرحم بوك هاني نعبر وفرحان بالحرية اللي عطيتهالي
ياخي شكون وصلك للمنصب اللي انتي فيه ؟؟ احنا شباب تونس الحر
الحرية احنا اللي افتكيناها مش سيادتك اللي عطيتهالنا
سي ونيس في بالو في الجامعة يلقي في خطاب يحكي بلغة فلسفية وبعبارات كيما المبادئ الكونية
تي حتى امي فدت قتلي شبيه يحكي بلغة صعيبة
الحاصل حتى سؤال ماجاوب عليه
توه ياعباد ربي هذا وزير خارجية دولة قامت بثورة تاريخية
ياخي اللي يقعدوه على كرسي مخو يتقلب
انا شخصيا كنت نحترمو الانسان هذا
ولهذا نطلب منو تغيير مواقفو ولا ساهلة برشة غدوة تلقانا قدام وزارة الخارجية
نصيحو ونيس ديقاج
http://www.facebook.com/video/video.php?v=139777056086172&oid=104016859676780&comments