السلام عليكم قبل كل شي
غيابي على التدوين سببه الانشغال بالواقع السياسي التونسي بعد الثورة
اخترت اني نكون مشاهد بش نجم ننقد
المدة اللي فاتت قاعد نلاحظ في هجوم كبير على حركة النهضة من بعض الاحزاب السياسية اذا ماقلناش اغلبها
كلها قاعدة تنبر في عوض ما تخدم على روحها بش تنجم تعطينا برنامج انتخابي نجمو نقيموه
الحاصل الحملة هذي اعلامية وفايسبوكية وقاعد نشوف في بعض الباجات اللي جايبينها ضد التطرف وهوما يمثلوا التطرف
فالحين في تشويه صورة الناس وحركة النهضة بكل الطرق
والله كان جاوا يطرحوا في انتقدات معقولة ومنها نجموا نتناقشوا ونتحاوروا نقول يعطيهم الصحة على مستواهم
اما الغلبة انهم مايتحركوا كان من حقدهم على ماكل ماله علاقة بالاسلام
بش مانطولش عليكم عينة من البهامة متاعهم
في مقال ساخر من المدونة الشقيقة "البراكة"اللي العنوان يناقض ماجاء في المقال
http://elbarraka.blogspot.com/2011/04/blog-post_21.html
اصداقائنا هذم مشاو نشروا المقال دون التثبت من محتواه بما انوا العنوان فيه تشويه لصورة النهضة
في صفحة اخرى الفان عملوهم تكركيرة بعد مانشروا المقال وكلعادة دون التثبت من المحتوى
الحاصل حرفية في البهامة ماصارتش
